 |
| اے محبت! آج پھر تیرے انجام پر رونا آیا... بلوچستان سے ایک اور دردناک خبر سامنے آئی ہے—ایک اور لڑکی صرف محبت کرنے کے جرم میں زندگی سے محروم کر دی گئی۔ یہ واقعہ ایک ایسی لڑکی کا ہے جس نے اپنی مرضی سے شادی کرنے کا فیصلہ کیا۔ وہ ایک نوجوان سے محبت کرتی تھی اور چاہتی تھی کہ اس سے نکاح ہو۔ جب گھر والوں نے اس کے فیصلے کو رد کیا، تو اس نے اپنے محبوب کے ساتھ بھاگ کر شادی کر لی۔ لیکن یہ آزادی زیادہ دیر نہ چل سکی۔ لڑکی کے خاندان والوں نے اسے دوبارہ تلاش کر کے پکڑ لیا۔ پھر ایک مقامی جرگہ بٹھایا گیا—ایک ایسا جرگہ جو انصاف کے نام پر قتل کا فیصلہ سناتا ہے۔ جرگے میں موجود تقریباً 15 سے 20 افراد نے لڑکی کے قتل کا نظارہ کیا۔ اس تمام واقعے کی ویڈیوز بنائی گئیں۔ لڑکی کو حکم دیا گیا کہ وہ آگے جا کر کھڑی ہو جائے۔ جیسے ہی وہ کھڑی ہوئی، پیچھے سے اسے گولیاں مار دی گئیں۔ وہ موقع پر ہی جاں بحق ہو گئی۔ یہ واقعہ بلوچستان میں اپنی نوعیت کا پہلا واقعہ نہیں۔ اس سے قبل بھی کئی لڑکیوں کو "غیرت" کے نام پر مارا جا چکا ہے۔ کچھ عرصہ پہلے ایک 17 یا 18 سالہ لڑکی کو صرف اس لیے قتل کر دیا گیا کہ وہ ٹک ٹاک پر ویڈیوز بناتی تھی۔ وہ بیرونِ ملک سے آئی تھی، اور جب اپنے کزنز کو اپنی ویڈیوز دکھائیں تو انہوں نے والدین سے کہا: "تمہاری بیٹی بگڑ چکی ہے۔" یہ بات سن کر خاندان نے اُس معصوم لڑکی کی زندگی کا چراغ گل کر دیا۔ ایک بار پھر "محبت" کے نام پر ایک معصوم جان چلی گئی۔ کیا ہم اب بھی خاموش رہیں گے؟ ہمیں سوچنا ہوگا، آواز اٹھانی ہوگی۔ کیونکہ خاموشی... قاتلوں کا ساتھ دینے کے مترادف ہے۔ بلوچستان نیوز, غیرت کے نام پر قتل, پاکستان کی خبریں, آج کی تازہ خبر, سچی کہانی, جرگہ نظام, سوشل ایشوز, محبت کا انجام, خواتین پر ظلم, Urdu News, Breaking News Pakistan, Urdu Crime Stories, Blog Headlines |
